Bernaard

Leister Beta 2.01

Ja, no har eg endeleg hatt Ubuntu 7.04 “Feisty Fawn” på maskina i ei veka, og det har ikkje vore noko mareritt. La meg no ein gong få seie det: Kan hende har eg vore for hard mot Mandriva, kan hende var det verkeleg berre meg. Eg taklar ikkje å setja opp Mandriva, for eg må klikka eit titals gonger for å gjera det mest elementære.

Ubuntu er ein ganske unik distribusjon. Han har ikkje vore lenge på marknaden, men har knyta til seg eit samfunn kor svara finst. Eg har ikkje ein einaste gong måtte spørja i eit forum. Google har servert meg svaret kvar gong.

Tvi2kjerna er der med ein gong.
Det trådlause nettverket (Intel PRO 3945ABG) kom opp utan vidare, med spake åtvaringar om proprietære drivarar.
Lydkortet (82801G) er der berre.
2 gigabytar med VTM (vilkårleg-tilgang-minne) var der, naturlegvis.

Så langt ser Ubuntu ut til å vera ein fryd, og alt går raskt. Litt stress var det å installera VMware server.

No vil eg ikkje meir. Eg vil ikkje høyra meir på suset frå vifta i mellomtårnet mitt. Eg skal kasta blyskjermen i ei bod og få plass til rader med bøker i staden. Det stasjonære monsteret har ikkje lenger ein funksjon. Når eg testar eit av dei meiningsløse PHP-programma mine, kan eg like godt gjere det på ein berbar. Hardplatene kan eg kle i USB® og Firewire®-kabinett, om eg må ha meir plass.

Så kva kan vel vera meir naturleg enn å ta det store hoppet inn dei fire-og-seksti bitane? Og kvifor la tvikjerna venta? Det skal no bli spanande å sjå om Intel 950 GM-kortet kjem på plass med eit klikk, og om Broadcoms trådlause kort er støtta i Centos 5. Gudane veit kor trådlaust det blir! Ndis-wrapper og frosne økter. Nei, det skal gå greitt på eit vis, med dunkle, halvt ulovlege fil-lagre i yum.

Det blir no fint å installera CentOS igjen, med ein Intel Tvi2Kjerne T5600, og eit par gigabytar med vilkårleg-tilgang-minne. Så må eg nok kunne tvistarta XP og CENTOS. Eg gler meg som eit lite barn. Eg kan nok ikkje spele dei råe spela med Intel 950 GM-kortet, men eg kan spela litt gode retrospel. Det er ein plan.